Тэмамі сустрэчы сталі эканамічная бяспека Рэспублікі Беларусь і ўстойлівае развіццё дзяржавы. Начальнік Гомельскай мытні Андрэй Місючэнка расказаў аб харчовай бяспецы краіны і адзначыў важкі ўклад рэгіянальных прадпрыемстваў у развіццё сельскай гаспадаркі і экспартнага патэнцыялу.

Работнікі ААТ "Рэчыцкі тэкстыль" задалі пытанні аб працы мытнай сістэмы ў сучасных рэаліях, навінах заканадаўства па парадку ўвозу беспілотнікаў і праверцы пасылак, якія прыбываюць у краіну. Актуальным было пытанне ўвозу аўтамабіляў для асабістага карыстання. 

Таксама на базе Рэчыцкага райвыканкама адбыўся асабісты прыём грамадзян. Андрэй Місючэнка даў тлумачэнні па пытанні аб парадку праходжання вытворчай практыкі студэнтамі ВНУ ў Гомельскай мытні. А таксама рэкамендаваў звяртацца да афіцыйнага сайта Дзяржаўнага мытнага камітэта, дзе ёсць адказы па актуальных пытаннях грамадзян, а таксама ўся кантактная інфармацыя аб мытных органах краіны.

– У цяперашні час лагістычныя патокі і нацыянальная эканоміка ў цэлым пераарыентуюцца на ўсход, бо ў азіяцкіх краінах высока цэняць якасную беларускую прадукцыю. Задача нашых прадпрыемстваў – развіваць айчынныя брэнды, пастаянна паляпшаць якасць прадукцыі і «ісці ў нагу з часам». Гэтыя крытэрыі спрыяюць росту попыту не толькі ўнутры краіны, але і прасоўваюць нашы тавары за мяжой, — падкрэсліў Андрэй Місючэнка.