Адрас: 246050, Гомель, пр. Леніна, 2
Меню
Главная Навіны Грамадства

Грамадства

Мацярынскі капітал могуць дазволіць выкарыстоўваць датэрмінова для будаўніцтва жылля

1 жніўня, Мінск /Кар. БЕЛТА/. Мацярынскі капітал могуць дазволіць выкарыстоўваць датэрмінова для будаўніцтва жылля, паведаміў журналістам начальнік упраўлення жыллёвай палітыкі Міністэрства архітэктуры і будаўніцтва Аляксандр Аўраменка, перадае карэспандэнт БЕЛТА.  

"Мінпрацы і сацабароны сумесна з Мінбудархітэктуры і шэрагам іншых міністэрстваў распрацоўвае праект указа, ён ужо вось-вось на выхадзе. Мяркуецца, што датэрмінова можна будзе выкарыстоўваць сродкі, у тым ліку на будаўніцтва. Гэта падтрымана многімі зацікаўленымі", - расказаў Аляксандр Аўраменка. 

Старшыня камітэта па архітэктуры і будаўніцтве Мінаблвыканкама Аляксандр Кручанаў звярнуў увагу, што пры будаўніцтве шматдзетных крэдытуецца плошча з разліку 20 кв.м на чалавека. Напрыклад, у сям'і двое бацькоў і чатыры дзіцяці, усяго 6 чалавек - значыць, крэдытуецца 120 кв.м. жылля. Аднак не заўсёды кватэра можа быць менавіта такой плошчы, яна можа быць і на 10 кв.м. большай. "Таму цяпер прапрацоўваецца магчымасць выкарыстання мацярынскага капіталу для жыллёвага будаўніцтва, у тым ліку для пакрыцця названай розніцы. Гэта дасць магчымасць людзям пабудаваць жыллё, гэта добры момант", - сказаў Аляксандр Кручанаў.-0-