Нафтавікі праводзяць выпрабаванні ўкраінскага станка-качалкі на Рэчыцкім радовішчы
На радовішчах "Беларуснафты" задзейнічана спецыялізаваная тэхніка румынскіх, расійскіх, беларускіх, а цяпер і ўкраінскіх вытворцаў. "Тэхнічныя параметры новага прывода штангавых глыбінных помпаў адпавядаюць сучасным патрабаванням беларускай нафтаздабычы. Яны ў "Беларуснафце" поўнасцю ўніфікаваны. Гэта дазваляе нараўне з шырока распаўсюджанымі ў рэгіёне румынскімі станкамі-качалкамі выкарыстоўваць абсталяванне і іншых вытворцаў. Патрэбнасць у новых прыводах расце, што звязана з узмацненнем буравой праграмы і ўводам у эксплуатацыю новых свідравін", - расказалі ў прэс-службе.
У нафтагазаздабыўным упраўленні "Рэчыцанафта" пасля доследна-прамысловых работ укараняюць станкі-качалкі расійскага "Уралтрансмаша". Згодна з планамі на гэты год фонд папоўняць 30 адзінак такога абсталявання.
Удзяляецца ўвага таксама імпартазамяшчэнню. Механізаваны фонд свідравін аснашчаны прыводамі Магілёўскага завода "Строммашына". Выпуск прыводаў асвоілі і ў вытворчым упраўленні "Нафтабурсэрвіс".
Вытворчае аб'яднанне "Беларуснафта" створана ў 1966 годзе. Прадпрыемства вядзе пошук, разведку і распрацоўку нафтавых радовішчаў, бурэнне свідравін, здабычу нафты і спадарожнага нафтавага газу ў Беларусі, працуе ў іншых краінах.-0-
